вторник, 9 мая 2017 г.

Тебеньков Тебенькиысь

 Фёдор Васильевич Тебеньков чужис Тебеньки грездын 1897 воын. Грезд нимыс да овыс öткодьöсь. 1942 – 1943 воын фронтлöн визьыс мунiс Зуша ю кузя, Орловскöй областьын. Зуша ю пöлöныс джуджыд кыръяс. Новосиль кар Орёл карсянь 70 км. Тайö инъясас мунiс визь Курско – Орловскöй тышлöн. Новосиль вöлi прифронтöвöй карöн. А Зуша ю районсö шулiсны "долина смерти", сэнi вöлöма "мясорубка". Сэнi ассьыс ловсö кольöмась сюрсысь унджык морт (та йылысь вöлi висьталöма сöмын 2007 воын). Фёдор Васильевич  лöсьöдiс телепонöй связь. Сiйö вöлi связист - телепонистöн истребительнöй противотанкöвöй артиллерийскöй полкын. Тыш вылö мунiс сора тöлысь 5 лунö 1942 воö. Пöльлöн награднöй листын гижöма "Красноармеец Тебеньков Фёдор Васильевич куимысь лöсьöдiс телепоннöй визьсö.  Гöгöр  тыш, снарядъяс, свинеч пуляяс, танкъяс. Тадз, обстрел дырйи орöдсьöма визь, кодi öтлаöдö видзöдан пунк  команднöй пунккöд. Красноармеец Тебеньков Ф.В. пуляяс видзöдтöг  лöсьöдö визьсö. Моз тöлысь 22 лун 1942 воö сетiсны медаль "За отвагу". Владимир Высоцкий гижис татшöм сьыланкыв, татшöм салдатъяслы, кыдз пöль "... оз кö кут морöсыд свинеч, сiдз кö медаль "отвагаысь" öшöдан морöс вылад". Рака тöлысь 1943 воö пöль кутас морöснас свинеч. Кусас олöм Тебеньковлöн Тебенькиысь.  Новосиль карын, грезд Тросниково, Зуша ю дорын, видз вылын сулалöны памятникъяс (кызь гöгöр). Братскöй могилаас куйлö 552 Айму дорйысь. Плита вылас гижöма и пöльлöн ним. (Снимок вылын Тебеньков Фёдор Васильевич 1897 -1943)